ILOILO CITY – Todo depensa ang General Manager sang Western Visayas Transport Cooperative (WVTC) matapos ginreklamo ang isa ka jeepney operator nga nagturasok kag nagliswi sang iya tudlo.
Sa interview sang Bombo Radyo kay Halley Alcarde, iya ginpahayag nga nagpadulong sa iya opisina ang tagreklamo nga si Concepcion Antenor agud magreklamo kaupod ang iban pa nga mga operators.
Diri kag ginpahayag nga ginliswi sini ang tudlo ni Anternor sa diin nagbanog ini.
Suno kay Alcarde, nagahimo-himo lang ang istorya si Antenor agud magkuha sang simpatiya.
Pahayag sini, kun matuod ang akusasyon ni Antenor, pat-od nga ginpulihan na siya bangud sa pagsakit sini sa tagreklamo.
Una diri, nagpa-Bombo si Antenor bangud sa intransparency nga nagakatabo sa kooperatiba.
Ginpahayag man sini nga humalin sang bulan sang Marso tubtob subong, wala sa gihapon matapos ang dokumento nga kuntani makaproseso sang ila paghalin sa kooperatiba.
Magluwas diri, wala man sang financial report nga ginaplastar ang kooperatiba sa kada general assembly nga ginahiwat.
