Bisan pa naga-ulan, nagpadayon sa pag-jog si PNP chief Nicolas Torre III sa PNP oval subong nga Byernes sang aga, Hulyo 25.
“10 rounds. Part of his preparation for Sunday’s charity boxing match,” suno kay PNP spokesperson Jean Fajardo sa ginpaguwa sang pulis nga videos kag pictures.
Kaangot ini sa hangkat ni Davao City acting Mayor Baste Duterte nga matapungulay sila —bagay nga ginsabat sang police chief kag nagpanghagad para sa ‘charity boxing match’ sa Domingo.
Samtang naga-hanas si Torre kahapon, nagpahayag man ini nga handa na ang ring sa Rizal Memorial Sports Complex sa Manila.
“Kung ready sila sa venue, I can show up. Pero naka-set na actually ang Rizal Memorial Coliseum. A ring has already been set up there para sa Sunday,” pahayag sini. Dugang pa niya, may “sponsors” pa gani sa event. “Whether he shows up or not, may mga sponsors na may nagsabi na magdo-donate na lang ng mga ayuda sa ating mga kababayan na nasalanta ng bagyo at baha.”
Nagplastar naman sang iya mga kondisyon si Baste kag nagpahayag nga dapat anay nga magpaidalom si President Ferdinand Marcos Jr. sa hair follicle drug test.
Dapat man suno kay Baste nga magpaidalom man sa drug test ang tanan nga elected officials; kag kun makumbinse ni Torre si Marcos nga imandu ini, batunon na sini ang hangkat para sa boksing.
Sa bahin sang Palasyo, nagpalab-ot naman sang “Good Luck” message si Palace Press Officer Claire Castro pananglitan madayon gid man ang sambuwa.#
