Naghimo sang panibag-o nga rekord ang Filipino boy band nga SB19 matapos napilian ang ila hit song nga “Gento” bilang approved entry para sa 66th Grammy Awards.
Napaidalom ini sa Best Pop Duo/Group Performance award category.
Kinahanglan pa nga mag-deliberate ang mga myembro sang US Recording Academy kun ano nga eligible entries ang iga-konsiderar para sa award.
Bangud indi pa ini official nomination, kinahanglan man ang bulig sang fans agud mas masapakan sang voting members sang Recording Academy ang amo nga ambahanon kag ang impact sini sa publiko.
Sa Nobyembre 10, iga-anunsyo ang mga official nominees.
Kilala ini nga P-Pop group sa ila mga kanta nga “Hanggang Sa Huli,” “Mapa,” “What?” “WYAT (Where You At)” kag”Alab.”
Ang grupo ang ginabug-usan nanday Josh (lead rapper), Pablo (leader), Stell (lead dancer), Ken (lead vocalist), kag Justin (creative director).
