ILOILO CITY-Gin-anunsyo sang aktor kag high-profile Democratic activist nga si George Clooney ang suporta sini kay Vice President Kamala Harris para magbulos kay President Joe Biden bilang flag bearer sang Democrats batok kay Donald Trump sa eleksyon sa Nobyembre.
Si Clooney ang isa sa pinakauna nga Democratic activists nga nagpanawagan kay Biden nga indi na magpa-reelect.
Kadungan sang pagpahayag sang suporta kay Harris, gindayaw man sini si Biden bangud sa pagpakita sang matuod-tuod nga liderato kag pagsalbar sang demokrasya.
Si Clooney nga isa ka major fundraiser para sa Democratic candidates kag longtime Biden booster, ang nagpangabay sa 81-anyos nga president nga magpaiway para sa mas bataon nga kandidato agud may tsansa sila nga mapierde si Trump sa Nobyembre.
Kasunod naman sang pag-atras sang presidente, nangin matunog ang pangalan ni Harris agud magtal-os kay Biden sa pagka-presidente.
