ILOILO CITY- Nagtumpilak gid sa dalan ang isa ka German national matapos natumba ang iya ginamaneho nga motorsiklo sa atubang sang Ceres Terminal sa Brgy. Buhang, Jaro, Iloilo City.
Sa interview sang Bombo Radyo kay Rolly Gallego, taxi driver kag nakakita sa aksidente, iya ginpahayag nga padulong sa direksyon sang Buhang Bridge ang motorsiklo.
Suno kay Gallego, may isa ka jeep nga manugliko apang bangod madasig ang dalagan sang motorsiklo, naalang-alang ini kag hinali lang nga nagpreno tubtob wala na sini makontrol ang motorsiklo kag natumba gid.
Pilas sa nagkalain-lain nga bahin sang lawas ang naangkon sang biktima nga gilayon man nga gindapatan sang first aid sang mga responders.
