ILOILO CITY – Nagpanawagan ang Germany sa mga European countries nga magpadala na sang heavy weapons kag dugang nga military equipment sa Ukraine bangud sa kabalaka nga mas pabaskugon pa sang Russia ang pag-atake sa eastern Donbas region.
Antes pa man ang meeting sang EU foreign ministers sa Luxembourg, ginpahayag ni German Foreign Minister Annalena Baerbock nga kinahanglan sang Ukraine ang dugang nga military support agud nga madepensahan ang kaugalingon.
Suno kay Baerbock, tama ka klaro nga kinahanglan sang Ukraine ang dugang nga military equipment, ilabi na ang heavy weapons.
Una na nga nagpanawagan si Ukrainian President Volodymyr Zelenskyy sa Western nations nga dugangan ang arms supply sa pungsod lakip na ang heavy weapons, air defense systems, tanke, kag mga eroplano.
Nagpaandam na si EU foreign policy chief Josep Borrell nga posible nga magalala ang gyera.
