Nagpangayo sang pasaylo si House lead prosecutor kag Batangas Representative Gerville Luistro bangud sa kontrobersyal nga wacky photos sang prosecution panel sa sulod sang plenary hall sang Senado.
Suno kay Luistro, wala lang nila napunggan ang ila kalipay bangud nalangkag sila sa tatlo ka semana nga pahuway sa impeachment trial.
“Medyo hindi lamang po napigilan ang kaligayahang naramdaman sapagkat na-excite doon sa three weeks na magiging break ng impeachment trial, as simple as that,” suno kay Luistro nga yara man mismo sa amo nga mga laragway nga gin-post sang Martes.
“Humihingi po ako ng paumanhin on behalf of the prosecution panel,” dugang niya.
Ginkumpirma ni Luistro nga nagkuha sila sang wacky photos apang ginpaathag niya nga nauna anay sila sa pagkuha sang seryoso nga litrato.
“Nag-picture muna po kami ng seryoso and then after that somebody asked let’s have a wacky picture and it was indeed an expression of joy among genuine friends after long days of preparations and trial,” suno sa kongresista.
Gindugang man ni Luistro nga nagsugod ang impeachment trial sang Hulyo 6 kag subong pa lamang sila makapahuway.
“It was genuine joy na nag-spring sa mga magkakaibang magkakasama ng mahabang panahon at ako po ay mauuna na sa paghingi ng paumanhin sa Senado, sa ating Senate President, sa lahat ng mga senador kung kami man po ay nakalampas it was never our intention to make fun of the institution,” pahayag sini.
“It was never our intention to make fun of the Senate. We have always respected and given our highest regard to the Philippine Senate.”
Nauna na nga ginpahayag ni Senate President Sherwin Gatchalian nga magapatigayon sang imbestigasyon may kaangtanan sa nasambit nga litrato nga naglapta na sa internet.
Nahibaluan nga kuha ang amo nga pictures sa adlaw kun sa diin nag-manifest ang prosecution panel nga i-drop nila ang tatlo sa apat ka articles of impeachment batok kay Vice President Sara Duterte apisar nga napresentar na nila ang mga testigo kag ebidensya sa articles kaangot sa confidential funds kag alegasyon sang grave threats. Ini ang gin-aprubahan man sang impeachment court apisar sang pagpamalabag sang defense team.
Maga-resume ang impeachment trial sa Nobyembre 9.#
