Nagpanumpa na bilang bag-o nga presidente kag CEO sang Philippine Health Insurance Corp. si Atty. Dante Gierran.
Siya ang ginpasumpa ni Department of Health Sec. Francisco Duque III nga amo ang charman sang board sang state insurer.
Si Gierran ang sadto anay pinuno sang National Bureau of Investigation kag gin-appoint bilang Philhealth Chief sang Agosto kasunod sang mga alegasyon sa korapsyon.
Siya ang nagbulos kay retired Brig. Gen. Ricardo Morales nga nag resign man sang Agosto bangud sa iya health condition kag subong nagapaidalom ini sa cancer treatment.
Una na nga ginpahayag ni Presidente Rodrigo Duterte nga luyag niya matinluan ni Gierran ang korapsyon sa state health insurer sa Disyembre.
