Wala sang nabulsa nga medalya ang Gilas Pilipinas Men 3×3 sa FIBA 3×3 Asia Cup sa Singapore matapos nga ginlutos sang Japan, 22-12, sa do-or-die pool phase match.
Antes nag-atubang sa Japan nga amo ang third seed, nalutos man ang Pilipinas sa kamot sang Australia nga runner-up sang nagligad nga tuig, 20-13.
Wala sang daog ang team sa duha ka games sa Pool C sa preliminary round.
Ini na ang ikaduha nga sunod-sunod nga tuig nga napaslawan ang team nga makaabanse sa knockout round sang tournament.
Daku naman ang paglaum sang mga Pinoy nga mahakwat sang Gilas Women 3×3 ang pangalan sang pungsod kag madala pauli ang gold medal.
Magasugod ang quarterfinal bid sang team 1:10 karon sa hapon batok sa Chinese Taipei. Magasunod man ang knockout semifinal kag ang do-or-die final subong nga adlaw pananglitan malutos sang Gilas Women ang una nga kasumpong karon sa hapon.#
