Ginlampaso liwat sang Pilipinas ang home team nga Saudi Arabia sa liwat nga pagkit-anay sa 2023 Fiba World Cup Asian Qualifiers.
Kun sa una nga pagkit-anay sa Pilipinas, may 38 ka puntos ini nga abanse, wala naman nangin mahapos ang kadalag-an para sa Gilas sang yara na sa fifth window sang hampang batok sa home team sa Jeddah apang nagtapos sa gihapon ang match pabor sa Pilipinas, 76-63.
Ginpangunahan ni Roger Pogoy ang Filipinos paagi sa iya nga 13 points kag 4 rebounds.
Nagdugang si Kai Sotto sang 11 points, 9 rebounds kag 5 blocks samntang nag-chip naman si Scottie Thompson sang 9 points, 9 boards, 3 assists, kag 2 steals.
Ini na ang ikalima nga daog sang Pilipinas sa walo ka hampang kag yara na sa ika-tatlo nga pwesto sa Group E sa likod sang co-leaders nga Lebanon kag New Zealand.
Sang Agusto 29, matandaan nga ginlutos man sang Pilipinas ang Saudi, 84-46, sa 23-point performance ni Jordan Clarkson sa SM Mall of Asia Arena.
