ILOILO CITY – Ginkamasaan sang New Zealand ang Gilas Pilipinas sa score nga 106-60 sa ila una nga hampang sa 2023 FIBA World Cup Asian Qualifiers sa Auckland, New Zealand.
Sa first half, tuman na ka dako sang abanse sang New Zealand.
Apisar nga maayo ang hampang sang Gilas sa 3rd quarter, naglab-ot sa gihapon sa 30 ang abanse sang kontra.
Natapos ang hampang nga may 46 ka puntos nga abanse ang New Zealand.
Sanday Rhenz Abando kag Carl Tamayo ang naka-score sang double digit nga may 11 kag 16 points.
Sa nagligad nga window sang qualifiers, ginlutos man sang New Zealand ang Pilipinas sa score nga 88-63.
Ang Gilas ang sa subong, may yara na sang 1-2 card sa tournament kag magabalik na sa pungsod para sa hampang batuk sa India sa Domingo sa Mall of Asia Arena.
Ang Pilipinas, kaupod sang Japan kag Indonesia ang maga-host sang 2023 FIBA World Cup.
