ILOILO CITY – Tuyo ni Gilas Pilipinas head coach Chot Reyes nga magpreparar ang Philippine national basketball team sa sulod sang tatlo ka bulan para sa FIBA World Cup 2023.
Ang ini nga plano ang ginpaboran man sang mga players kag stakeholders.
Ang Pilipinas ang mangin co-host sang World Cup upod ang Indonesia kag Japan sa masunod nga tuig.
Bangud sini, tuman ka-taas sang expectations sa Gilas Pilipinas bangud sa ginatawag nga home court advantage.
Tuyo sang Pilipinas nga magbawi sa ila performance sa 2019 FIBA World Cup kun sa diin, kuligot sila sa 32-team field sa China bangud sa kakulang sang practice.
Determinado si Reyes nga likawan ang amo nga kapalaran sa masunod nga tuig kag gin-anunsiyo niya nga nakuha na niya ang commitment sang PBA para sa build-up sa World Cup.
Ang maayo suno kay Reyes nga may yara na sang commitment kag mangin ang mga players nga yara pa sa iban nga pungsod ang nagpahayag na sang suporta.
Sa subong, temprano pa agud nga pangalanan ang mangin kabahin sa World Cup apang sigurado nga yara gid si Filipino-American guard Jordan Clarkson kag NBA hopeful Kai Sotto subong man sanday Thirdy Ravena, Dwight Ramos kag June Mar Fajardo.
