ILOILO CITY – Nadugangan pa ang paglaum ni Gilas Pilipinas head coach Chot Reyes para sa national team pagkatapos sang ginpatigayon nga meeting upod sang staff sang weekend.
Nagpakigkita si Reyes kay Ginebra coach Tim Cone upod sa kanday Jong Uichico, Goldwyn Monteverde, kag Nenad Vucinic agud nga hambalan ang ila plano para sa Gilas antes ang ikaduha nga round sang FIBA World Cup Asian qualifiers.
Ginpahayag ni Reyes nga magapadayon pa ang meeting sa mga masunod nga mga inadlaw.
Wala na gin-detalye pa ni Reyes ang mga specifics sa meeting, apang suno sa iya, dako ang iya paglaum samtang nga nagapadayon sa pagtrabaho para sa ultimate goal sang national team—ang 2023 FIBA Basketball World Cup.
Ang mga masunod nga competitions ang mangin oportunidad para sa Gilas caoches nga tun-an ang mga players kag mahibaluan kun sin-o ang maga-fit sa ila plano sa ulihi.
Magabalik ang Gilas Pilipinas para sa second round sang World Cup qualifiers sa Agosto 25 batuk sa Lebanon kag sa Agosto 29 batuk sa Saudi Arabia.
