Indi na magdugang ang Gilas Pilipinas sang ika-12 nga player para sa third window sang 2023 FIBA World Cup Asian Qualifiers.
Ini apisar indi makapasakop si Ange Kouame bangud sa iya nga injury– ang meniscal sprain kag partial ACL tear.
Sanday Kiefer Ravena kag Dwight Ramos ang magapanguna sa Gilas kaupod sanday RJ Abarrientos, SJ Belangel, Geo Chiu, Dave Ildefonso, LeBron Lopez, William Navarro, Carl Tamayo, Rhenz Abando, kag Kevin Quiambao.
Makasambuwa sang Gilas ang New Zealand (3-0) sa Auckland sa Hunyo 30 antes atubangon ang India (0-3) sa Mall of Asia Arena sa Hulyo 3.
Kun madumduman, may 1-1 record ang Gilas sa Pool A matapos nga ginlutos ang India apang napierde naman batok sa New Zealand sang Pebrero.
Ang South Korea nga amo ang isa pa ka team sa Group A ang nadisqualify bangud wala ini naka-send sang team sa second window bangud sa COVID-19 issues.
