Natapos na ang tyansa sang Gilas Pilipinas para makahampang sa Tokyo Olympics.
Ini matapos nga ginpyerde sila sang Dominican Republic sa score nga 94-67 sa FIBA Olympic Qualifying Tournament nga ginhiwat sa Belgrade, Serbia.
Nabudlayan ang Gilas sa ila nga opensa sa diin humalin sang umpisa sang hampang, wala na sila nakaabanse pa sa team.
Wala napuslan ang 16 points kag tatlo ka assists ni Jordan Heading samtang 10 points naman kag anom ka rebounds ang nahatag ni Angelo Kouame.
Una na nga napaslawan ang Gilas sa Serbia sa score nga 76-83.
