ILOILO CITY- Nagapabilin nga bokya ang Gilas Pilipinas under-17 team sa FIBA U17 World Cup matapos liwat nga nag-agom ang kalutusan sang ginkamasaan sang Puerto Rico, 98-53, sa hampang kagab-i sa Sinan Erdem Dome sa Istanbul, Turkiye (Turkey).
Apisar nakaabanse sa pagtakop sang first quarter, nakalagas ang Puerto Rico sa pagtakop sang halftime tubtob nga wala na nakabutwa pa ang Gilas.
Ini ang una nga daug sang Puerto Ricans sa tournament apang katatlo naman ini nga kalutusan sang Gilas nga ginapamunuan ni coach Josh Reyes.
Top scorers sa Gilas amo sanday Joaquin Ludovice nga may 13 points kag Kurt Velasquez nga may 11 points kag pinakauna nga bes sa tatlo ka matches nga may duha ka players nga naka- score sang double digits.
Matapos ang fourth-place finish sa Group A, nagalaum ang Pilipinas nga makabangon batok sa world No. 1 USA sa Round of 16 subong nga Mierkules.
Ang team USA naghalin sa maragtason nga kadalag-an, 146-62, batok sa China, nga amo ang bag-o nga record sang pinakamataas nga puntos nga nahimo sa isa ka U17 World Cup game.
Ang winners sa Round of 16 magasaka sa quarterfinals, samtang ang mapierde ang matupa sa classification games.
