Wala nagpauli nga wala sang dala nga kadalag-an ang Gilas Pilipinas Women sa FIBA Women’s World Cup 2026 Qualifiers matapos malab-ot sang mga ini ang makasaysayan nga pagkadaog batok sa Colombia sa score nga 74-59, sa Astroballe sa France.
Ini ang una nga kadalag-an sang Pilipinas batok sa non-Asian team sa kasaysayan sang women’s program.
Nag-panguna sa makasaysayan nga pagkadaog si Kacey Dela Rosa nga nakakuha sang 25 points kag 19 rebounds.
Naghatag man sang dako nga suporta si Sugapong nga may 21 points, 3 assists, 2 rebounds, kag 2 steals samtang nagtapos ang Pilipinas sa ila campaign nga may record nga 1-4.
Antes matabo ang pagkadaog sang Gilas, ginpierde anay sang mga ini ang South Korea sa score nga 105-74, agud tapuson ang ila qualifying run.
