ILOILO CITY – Napabilin sang Gilas Pilipinas Youth ang clean record sa nagapadayon nga FIBA Under-18 Asian Championship matapos nga nalutos ang Chinese Taipei sa ila hampang sa Azadi Basketball Hall sa Tehran, Iran sa score nga 84-73.
Ginpamunuan ni Mason Amos ang kadalag-an sang Gilas sa score nga 28 points, six rebounds kag three assists.
Si James Nacua ang nag-contribute man sang 16 points samtang si Jared Bahay ang may yara sang eight points kag ten assists.
Sa subong, ang Pilipinas ang may yara na sang 3-0 standing sa Group C matapos nga ginlutos ang Syria kag Qatar.
Ini ang una nga kapyerdehan sang China nga sa karon, may yara sang 2-1 record.
Ang duha ka team ang sulod na sa quarterfinals.
