ILOILO CITY – Sulod na ang Gilas Pilipinas youth squad sa quarterfinals sang 2022 FIBA U16 Asian Championship sa Doha, Qatar matapos nga nalutos ang Kazakhstan sa score nga 83-60.
Ginpangunahan ni Lorenzo Bryan Competente ang apat ka iban pa nga player pinaagi sa pag-score sang double digit nga 15 points.
Si Jacob Bayla naman ang nakakuha sang 13 points kag tag-12 sanday Zain Mahmood kag Kristian Porter kag 11 points si Alexander Konov.
Nakasumpong sang Gilas ang Kazakhstan matapos nga nakuha ang second spot sa Pool C matapos nga ginlutos sang automatic quarterfinalist nga Japan.
Sunod nga makasumpong sang Gilas ang reigning champion nga Australia nga nag-top sa Pool A nga may 3-0 unbeaten record.
