Gin-anunsyo sang basketball player nga si Kai Sotto nga madali na ini nga magabalik sa paghampang.
Ini matapos ang halos isa ka tuig sini nga rehabilitasyon bangud sa iya Anterior Cruciate Ligament (ACL) injury.
Ginpakigbahin sini sa iya Instagram nga dalayon na ini nga naga-ayo sa iya injury halin sang 2025 kag handa na ini nga magabalik.
Liwat man nga magapasakop si Sotto sa iya kopunan sang nagligad nga off-season bilang ikatatlo na sini nga pagpasakop sa Japanese league kag ikalima naman sini para sa international competition.
Ginalauman nga makabulig gid ang iya nga pagbalik indi lamang sa Koshigaya kundi pati man sa Gilas Pilipinas.
Ilabi na sa importante sini nga papel sa FIBA Olympic Qualifying Tournament sang tuig 2024.
Sa nasambit nga torneo, ginpangunahan nanday Sotto kag Justin Brownlee ang koponan sa isa ka makasaysayan nga pagkadaog batok sa Latvia apang wala nila sa gihapon nalab-ot ang Paris Olympics.
