Nag-abanse ang Gilas Pilipinas women sa main draw sang FIBA 3×3 Asia Cup matapos ginlutos ang Kazakhstan sa qualifying match sa Singapore.
Nagpanguna ang National University star nga si Camille Clarin nga may nuebe puntos sa 21-12 nga kadalag-an sang team.
Pareho naman nga may tag-kuatro puntos sanday Mikka Cacho, Kaye Pingol, kag Jhazmin Joson para sa Philippine side kun sa diin ang coach amo si Eric Altamirano.
Ini na ang ikatatlo nga sunod-sunod nga daog sang Gilas women nga nagsulod sa preliminary round kag makaupod sa no. 3 nga Mongolia kag sixth seed nga Malaysia.
Antes sini, ginlutos man sang Pilipinas ang Tahiti, 21-3, kag ang Maldives, 19-11.
Kasunod sang sweep, makasumpong sang Gilas Women ang Mongolia kag sunod nga atubangon ang Malaysia sa Pool C subong nga Byernes.#
