Nangin “blessing in disguise” ang pagka-late sang isa ka estudyante kun ngaa nakaluwas ini sa posible nga kamatayon sang nagtibusok ang eroplano nga iya kuntani sakyan halin sa India.
Istorya ini ni Bhoomi Chauhan, 28-anyos nga business administration student sa Bristol, England nga nagbakasyon sa western India para sa holiday.
Suno kay Chauhan, naatrasar siya sa pagkadto sa airport bangud naipit siya sa traffic. Nag-abot siya sa paluparan sa Ahmedabad dies minutos matapos nga nag-umpisa ang boarding process.
Wala na siya ginpasugtan sang staff nga makakadto sa seat 36G sa Boeing 787 bisan pa nga naka-check-in siya online.
Pila ka ginutlo lang ang nagligad matapos ang take-off, nagtibusok na ang eroplano kag masobra sa 260 ang napatay.
“We got very angry with our driver and left the airport in frustration,” panugiron sini. “I was very disappointed.”
“We left the airport and stood at a place to drink tea and after a while, before leaving… we were talking to the travel agent about how to get a refund for the ticket…. There, I got a call that the plane had gone down.”
Para kay Chauhan, milagro ini nga hitabo.
“I requested airline staff to allow me inside as I am only 10 minutes [late]. I told them that I am the last passenger and so please allow me to board the plane, but they did not allow me,” pagpakigbahin pa sini sang iya nga istorya.
Ini kag ang isa ka lone survivor nga British national nga si Vishwashkumar Ramesh amo ang pila sa “miracle stories” sa sini nga plane crash.
Base sa airline company, sakay man sa eroplano kag napatay sa amo nga trahedya ang British, Indian, Portuguese kag Canadian nationals. Nagapadayon pa ang imbestigasyon sang Indian authorities kun ngaa natabo ang pag-crash.#
