ILOILO CITY- Wala sang nagakaigo nga ebidensya sa ginapahayag paggamit sang Iloilo Terminal Market bilang sex den.
Ini matapos nabalahuba nga ginabugaw sang isa ka agi ang mga menor-de-edad, kag ginahimo nga motel ang palahuwayan sang mga trabahador sang tagsa ka stalls.
Sa interview sang Bombo Radyo kay Mr. Ariel Castañeda, pinuno sang Local Economic Enterprise Office,iya ginpahayag nga padayun ang monitoring sa tanan nga merkado publiko sa syudad sang Iloilo.
Magluwas diri, ginpadugangan man ang suga sa palibot sang nasambit nga merkado agud mangin masanag ang area.
Ginpasigurado man sang natungdan nga nagagana ang tagsa ka mga Closed Circuit Television camera agud mahibalu-an ang nagaguwa-sulod sa merkado.
