ILOILO CITY – Ginakabig ni Iloilo Governor Arthur Defensor Sr. nga dako nga kadulaan para sa gobyerno ang indi pag-appoint kay Gina Lopez bilang DENR Secretary.
Suno kay Defensor sa interview sang Bombo Radyo, masubo nga adlaw para sa mga environmentalist ang pagbasura sang Commision on Appointments kay Lopez nga nagapakita lamang sang iya sinseridad kag dedikasyon sa trabaho.
Mahimo suno sa gobernador nga may mga nalapakan si Lopez ukon wala may nakauyon sang iya paminatasan apang kuntani gintan-aw sang Commission on Appointments ang iya commitment sa trabaho ilabi na sa pagdula sang iligal kag iresponsable nga pagmina sa pungsod.