Ginbuyagyag ni Senator Manny Pacquiao nga may kurapsyon sa Department of Social Welfare and Development ukon DSWD.
Dala ni Pacquaio sa isa ka press conference kahapon sang hapon, Hulyo 3, ang mga dokumento nga iya ginpahayag nagaunod sang mga ebidensya sang kurapsyon sa mga ahensya sang gobyerno.
Suno sa senador, wala napanagtag sa mga benepisyaryo ang ayuda halin sa DSWD ukon ang P10.4 billion nga balor sang Social Amelioration Program ukon SAP.
Gin-alegar ni Pacquiao nga sa 1.8 million nga SAP beneficiaries, 500,000 ang wala nakakuha sang Starpay app. Ini nga app suno sa iya ang kinahanglanon nga idownload agud nga makuha ang ayuda.
“Batay sa ating imbestigasyon lumalabas na sa inisiyal na disbursement sa Starpay account para sa 1.8 million beneficiaries, na katumbas ng 14 billion… Bakit parang 1.8 million na binigyan ng SAP sa Starpay ay 500,000 lamang po na katao ang na-download nito,” pahayag sang senador.
“Ang tanong ko po, ano ang nangyari sa 1.3 million na katao na hindi nakadownload ng Starpay app ngunit sa record po nakatanggap na sila ng ayuda,” pamangkot pa niya.
Ini nga anomaliya sa SAP distribution ang isa sa mga alegasyon sang senador agud pabakuron ang iya una nga pahayag nga may kurapsyon sa Duterte administration.
“Pangatlong araw pa lang po nung in-accept ko po ‘yung challenge niyo na patunayan [ang korapsyon]. Wala po kayong ikakagalit sa akin kasi gusto ko po tumulong sa inyo,” pahayag ni Pacquiao bilang mensahe sa presidente.
Suno sa senador, ipasa niya ang iya nga ginauyatan nga dokumento sa Senate Blue Ribbon Committee para sa formal investigation.
