Nakit-an ang gina-alegar uniform sang Chinese military sa Philippine Offshore Gaming Operator (POGO) hub sa Porac, Pampanga nga gin-raid sang otoridad sang nagligad gid lamanbg nga semana.
Isa sa nakuha nga digital camouflage uniforms ang may butones nga may initials nga “P.L.A.” nga ginasuspetsahan nga nagakahulugan sang People’s Liberation Army nga amo ang armed organization sang Chinese Communist Party kag amo man ang principal military force sang People’s Republic of China.
Suno sa Presidential Anti-Organized Crime Commission, imbestigaran sini kun may yara sang Chinese military personnel sa Pilipinas nga nagapakuno-kuno lamang nga POGO employees.
Ang gin-raid nga POGO hub ang gina-reklamo nga nagakomiter sang human trafficking, sex trafficking, torture, kidnapping, kag pagpang-scam sa sulod sang 10 ka ektarya nga compound sini sa Pampanga.
Sang ginpatigayon ang operasyon sang nagligad nga semana, 158 ka mga foreign nationals nga kalabanan Chinese ang na-rescue.
Nakumpiskar man sa compound ang mga equipment nga gina-alegar ginagamit sa pagpang-scam kag nakita man ang gina-alegar nga “torture room” kag mga ebidensya nga may pagpanakit nga nagakatabo sa compound.
Sang weekend, may nadakpan nga Chinese fugitive sa amo nga POGO firm nga gina-alegar naga-trabaho bilang isa sa manug-toture sa mga empleyado kag sa mga biktima sang pagpangkidnap.
Na-identify sang otoridad ang suspek nga kabahin sang workers nga naga-eskapo anay sa raid sa Pogo hub sa Bamban, Tarlac. Natumod man ini nga isa ka pugante nga kriminal halin sa China.
Nag-paguwa naman sang statement si Porac Mayor Jaime Capil nga protector siya sang POGO firm nga iligal nga naga-operate.
