Gina-imbestigaran na sang National Task Force Against COVID-19 ang reports nga may yara sang nagabaligya sang COVID-19 vaccines sa Pilipinas.
Suno sa statement nga ginpagwa sang task force, ang ginatudlo nga nagabaligya sang bakuna ang yara subong sa Mandaluyong kag San Juan.
Gin-athag sang task force nga Emergency Use Authorization (EUA) pa lang ang nahatag sa bakuna nga ginbakal sang national government kag indi ini para sa commercial distribution.
Dugang pa, ang priority groups para sa vaccination amo lamang ang A1, A2 kag A3 priority groups ukon mga health workers, senior citizens, kag immunocompromised individuals.
Nagapaninguha man ang local governments sang San Juan kag Mandaluyong agud nga madakpan kun sin-o ang may amo nga iligal nga aktibidad.
