Indi magnubo sa 1,800 ka mga tawo ang ginpangdala sa ospital matapos nag-angkon sang respiratory problem bangud sa pag-igo sang sandstorm sa central kag southern Iraq.
Suno sa mga opisyal sang Muthanna province, may yara sang 700 nga nakaeksperyensiya sang suffocation.
Nagresulta sa pagkadula sang suplay sang kuryente kag pagsuspend sang flight sa pila ka rehiyon ang nasambit nga sandstorm nga ginakabig nga pinakamalala subong nga tuig.
Nahibaluan nga common na ang sandstorms sa Iraq apang suno sa mga eksperto, ang climate crisis amo ang rason sang masami na nga pagluntad sini kag mas nagapalala pa diri.
