ILOILO CITY – Nagdangat sa 300 million kabilog ang numero sang P1,000 polymer banknotes ang ginalauman nga i-release sa publiko sa una nga bahin sang masunod nga tuig.
Ini ang gin-anunsiyo ni Bangko Sentral ng Pilipinas Governor Felipe Medalla.
Ang desinyo sang P1,000 polymer banknote ang gin-release sang central bank sang December 2021 nga naga-feature sang agila sa atubang nga naga-ilis sa mga baganihan nga sanday Vicente Lim, Josefa Llanes Escoda, kag Jose Abad Santos.
Ginklaro ni Medalla nga may yara sang bastante nga bills kag coins para sa holiday season nga may mas mataas nga demand nga na-record humalin sang Oktubre tubtob Disyembre.
Subong nga bulan, gin-presentar sang central bank ang mga banknotes nga may pirma ni President Ferdinand “Bongbong” Marcos Jr.
