Ginabanta nga 40 ka power plants ang may posibilidad nga magapangatubang sang suspension bangud wala ang mga ini nagsumiter sang ila self-assessment reports sa Department of Energy.
Nahibaluan nga importante ang ini nga report agud nga masundan ang reliability, operasyon, kag mga outage sang mga planta.
Suno kay Energy Secretary Sharon Garin, nakapaguwa na ang DOE sang 203 ka show-cause order batok sa mga power generation companies nga wala nakapasa sang requirements.
Dugang pa diri, ang wala man makahatag sang nagakaigo nga eksplenasyon ang may posibilidad man sang recommendation for suspension sa Energy Regulatory Commission.
Samtang, padayon naman nga naka-eksperyensya sang kakulangan sa suplay sang kuryente ang Visayas kun sa diin tuman nga naga-eksperyensya sang yellow alert kag malaka nga red alert kun kulang ang suplay para sa demand.
