CONGO – Ginabanta 50 ka tawo ang ginakahangaw-an nga patay matapos natiphag ang gold mine kasunod sang pag-ulan sa eastern Democratic Republic of Congo.
Ang aksidente ang natabo sa makeshift mine sa Kamituga sa South Kivu province.
Suno kay Provincial governor Theo Ngwabidje Kasi, makabig nga tragic death ang nadangatan sang mga biktima kun sa diin kalabanan ang mga pamatan-on.
Ginpahayag ni Kamituga mayor Alexandre Bundya nga wala pa sang exact data kun pila gid ang natabunan sang natiphag nga minahan apang may isa ka survivor sa nasambit nga insidente.
Ginbasol ni Bundya sa pagbubo sang mamunog nga ulan ang natabo nga trahedya kag bangud sini, gindeklarar ang two-day mourning period.
Nagpanawagan man ang alkalde nga padayunon ang search and retrieval operation agud nga makuha ang bangkay sang mga biktima.
