ILOILO CITY–Indi magnubo sa pito ka tonelada nga basura ang matipon gikan sa mga pampubliko nga patyo sa syudad sang Iloilo may kaangtanan sa pagdumdum sang tigkalalag.
Sa interview sang Bombo Radyo kay Engr. Noel Hechanova, pinuno sang City Environment and Natural Resources Office (CENRO), iya ginpahayag nga pito tubtub 10 ka tonelada nga basura ang matipon gikan sa mga patyo sa syudad.
Ginpahayag ni Hechanova nga ang nasambit nga kadamuon sang basura ang kasubong man sa mga nakaligad nga tuig.
May yara naman sang duha ka adlaw ang task force nga gintukod sang CENRO agud nga magpangtipon sang basura bag-o hakuton sang JS Layson and Company Incorportated.
Gin-athag ni Hechanova nga ang mga pampubliko lang nga patyo ang sakop sang CENRO.