Normal nga maka eksperyensya sang pag-kabalaka kag kasubo sa kabuhi sa tunga sang mga pagbag-o tuga sang coronavirus disease 2019 pandemic.
Suno kay Dr. Joan Mae Rifareal, isa ka psychiatrist, indi malikawan nga makabatyag sang kakulba kag kasubo subong bangud nagakadula ang kontrol kag kasiguraduhan ang mga tawo angot sa dalagan sang kabuhi.
Pahayag niya, okay lang nga i-acknowledge ang inyo nabatyagan subong kag indi ini senyales nga mahina ang imo nga character.
Bangud sini, naghatag sang pila ka mga “healthy coping skills” ang doktor kaangay sang pagkaon sang mga masustansya nga pagkaon, pag-angkon sang bastante kag manami nga tulog kag pagpabilin sang “social connectedness” ukon relasyon sa iban tawo.
Panuyag ni Rifareal, limitahan man ang paggamit sang social media — mahimo nga duha lang ka beses mag check sang social media feed sa isa ka adlaw.
Ini bangud nga ang masobra nga paggamit sang social media ang maka-dugang lang sang aton pagbatyag sang anxiety.
