Nagpanindugan si President Ferdinand Marcos Jr. nga kinahanglan pa ang maid-id nga pagtuon sa ginaduso nga P200 nga across-the-board daily wage hike.
Ang statement nga ini ang kasunod sang gin-aprubahan sang House Committee on Labor and Employment nga hagna sang Huwebes nga magamandu sa tanan nga employers sa pribado nga sector nga bayaran ang ila workers sang across-the-board wage increase nga P200 kada adlaw.
Dalasa ang tanan diri wala sang labot kun ano kadaku ang kapital kag kun pila ang numero sang mga empleyado.
Ini nga proposed P200 per day salary increase para sa minimum wage earners ang mas mataas sang P100 ipaanggid sa bersyon nga gin-aprubahan sa Senado.
Ang pakaisa ni Marcos nga si House Speaker Martin Romualdez ang una na nagpaguwa sang statement nga iduso gid sang Kamara ang amo nga measure.
“The thing is we have a tripartite board that actually determines the increase in the wage. We still have to study it further to see how that will work together. Because…the tripartite body was a creation of Congress,” suno kay Marcos.
“With this, I don’t know how that’s going to work together. But we will see,” dugang sini.
Pahayag pa sang presidente, kinahanglan gid man nga buligan ang ordinaryo nga mga mamumugon sa tunga sang mataas nga presyo sang mga balaklon. Apang dugang niya, may problema man ang mga tag-iya sang negosyo kaangot sa ginaproponer nga increase.
Kun taas ang minimum wage suno kay Marcos, pat-od nga mabuhinan gid ang empleyado agud paiguon ang kuwarta nga pang-sweldo.
Ginpahayag sini nga ini nga proposed measure ang magaapekto gid sa micro, small and medium enterprises nga amo ang majority of businesses nga rehistrado diri sa Pilipinas.
“The employers are worried, especially small business owners like those running sari-sari stores, salons, and similar establishments,” suno sa iya. “‘If the minimum wage is increased, they might have to reduce their workforce because their budget remains the same—they won’t have additional funds to cover higher wages. So how will that work? How will it impact the economy? How will it affect MSMEs?.”
“And we are also studying whether this will lead to an increase in the cost of goods and services. In other words, it might be inflationary,” dugang sang presidente.#
