Ginalauman nga matapos na sini nga Nobyembre 30 ang ginakaayo nga drainage system sa distrito sang Mandurriao padulong sa Barangay Pakiad, Oton, Iloilo.
Sa interview sang Bombo Radyo kay Engr. Jonah Paloma, head sang construction division sang Iloilo City District Engineering Office (ICDEO), iya ginpahayag nga agud masolusyunan ang water stagnation ukon pagbaha sa nasambit nga lugar, ginatinguhaan nila mapadali ang construction agud malab- ot ang target nga petsa sang completion sang proyekto.
Suno kay Paloma, P90 Million ang budget nga ginpain para sa amo nga proyekto nga may titulo ”Drainage System within Mandurriao Vicinity.”
Pahayag sang natungdan, 915 ka metros ang na-construct kag 85 ka metros nalang ang talapuson sa ginakaayo nga drainage system.
