ILOILO CITY – Gindul-ong na sa iya katapusan nga palahuwayan ang ginakabig nga greatest of all time nga si Pele.
Mismo si President Luiz Inacio Lula da Silva ang nagpanguna sa tributes.
Upod kay First Lady Rosangela “Janja” da Silva, nag-untat si Lula sa atubang sang lungon ni Pele kag ginhakos ang nabilin nga pamilya sa sulod sang Vila Belmiro stadium nga amo ang puluy-an sang Santos FC nga amo ang longtime club sang football legend.
Linibo ka mga fans, political leaders kag football dignitaries lakip na si FIFA president Gianni Infantino ang naglupad sa stadium agud nga maghatag sang katapusan nga pagrespeto sa ginakakila nga “The King” sa football.
Pagkatapos sang isa ka adlaw nga haya, ginsundan ini sang funeral procession kag private interment.
Sa procession, linibo ka mga fans ang nagbantay kun sa diin, ang mga ini ang may dala nga mga flags kag nagasuksok sang sang iconic yellow jersey sang Brazil.
Ang three-time World Cup champion ang napatay sa edad nga 82 bangud sang multiple organ failure nga resulta sang colon cancer.
