ILOILO CITY – Desidido nga ipapreso sang isa ka ginang ang tupad balay sini nga nagpanglingling sa iya samtang ini ang naga panibin.
Sa interview sang Bombo Radyo kay certain Maribeth, 40 anyos, bulag sa bana kag may isa ka bata, luyag niya nga tudloan sang leksiyon ang tupad balay sini nga ginkilala sini nga si Mark Anthony matapos indi lamang ini ang una nga tini-on nga ginpaagyan siya sang kabastusan sang iya manyak nga tupad balay.
Suno sa tagreklamo, nakaagi man sang una nga ginlingling siya sang suspect.
May bes man nga ginsulod siya sang suspect sa iya balay samtang nagakatulog ini kag ginhulidan nga naka brief gid lamang.
Suno sa tagreklamo, indi na niya mapatawad pa ang ginhimo sang suspect kag luyag gid sini nga tudlo-an sang leksiyon agud nga indi na niya ini liwat paghimuon.
Nahibaluan nga may tatlo ka mga kabataan nga babayi ang suspect sa diin ang iya asawa ang ginapahayag OFW sa Singapore.