ILOILO CITY – Ginreklamo sang 168 School and Office Supplies ang ginapahayag anomalya sa pagbakal sang medalya para sa mga magdalaog nga atleta sa Palarong Pambansa 2017.
Sa exclusive interview sang Bombo Radyo kay Atty. Eduardo Fortaleza, legal counsel sang 168 School and Office Supplies, iya ginpahayag nga ginpanghatag na sang Antique provincial government ang mga medalya sa nasambit nga sporting event apisar wala pa natapos ang validation process sang Bids and Awards Committee (BAC).
Sa pagkamatuod suno kay Fortaleza, ginpapasa sila sang Antique provincial government sang Abril 18 sang ila nga proposed sample sang medal sa diin sila ang “Lowest Calculated Shopping Quotation” apang naulihi ang pag-abot sang ila nga medals nga naghalin pa sa pungsod China.
Ila ginkakibot nga nagpanghatag na sang medalya ang probinsiya apisar nganga wala sang kontrata nga gin-award sa supplier nga SOS.
Kuwestyunable man suno sa iya ang pagpatunga sang SOS sa pag-supply sang medals bisan nga wala ini ginpadal-an sang request for quotation.