Ginapahayag mataas nga lider sang NPA, nadakpan sa Iloilo City

ILOILO CITY – Nadakpan sang gintingob nga puwersa sang Regional Criminal Investigation Unit 6, Regional Intelligence Division at Philippine Army Intelligence Security ang ginapahayag mataas nga opisyal sang New People’s Army (NPA), sa Barangay Tanza Timawa, Molo, Iloilo City.
Naaresto si Maria Teresa Drilon Cabales sang BAcolod City apang karon nagapuyo sa Barangay San Juan, Molo, paagi sa arrest warrant sa kaso nga rebellion.
Ginapahayag nga may kahilabtanan si Cabales sa natabo nga engkuwentro sadto sa Barangay Tacayan, Tapaz, Capiz nga gintunaan sang kamatayon ni Private First Class Ricky Bill Fariñas samtang pilason naman sanday Private First Class Donald Lisbo at Staff Sergeant William Viado Jr.
Kaina sang udto ginprisintar sa media ni Police Regional Office 6 (PRO-6) director Chief Supt. John Bulalacao sa media si Cabales.
Si Cabales ang miyembro sang Regional Medical Staff sang Komiteng Rehiyon-Panay kag asawa sang secretary sang Central Front Committee nga si Roberto Cabales.