ILOILO CITY – Madamo na ka beses nga may natabo nga possession sa Iloilo City National High School.
Sa interview sang Bombo Radyo kay Irah Joy Puncion, estudyante sa nasambit nga eskwelahan, iya ginpahayag nga bag-o pa man natabo ang ginapahayag pagsulod sang malain nga espirito sa anum ka mga estduyante kahapon nga adlaw, may apat ka mga estudyante man nga ginapahayag gin-possess sang nakaligad nga adlaw.
Suno kay Puncion, ang una nga estudynate nga ginsudlan sang malain nga espirito kahapon nga adlaw amo si alyas Lyka nga Grade 7 student.
Ginpahayag ni Puncion, nga ginpilit si Lyka sang iya mga classmate nga lalaki nga magpadulong sa puno sang sambag agud mangpangusisa.
Sang naka-abot na sila sa ginahamtangan sang puno, ginapahayag nga may nakita si Lyka nga lalaki nga ginatudlo nga amay sang bata nga lalaki nga nakita nga nagabitay sa puno sang sambag.
Ginapahayag nga ginsundan sang amay si Lyka tubtub nga nagwaras kag nagsinggitan ang biktima.
Umpisa sadto, sunod-sunod na nga nagwaras kag nagsinggitan ang lima pa ka mga estudyante.
Ginpahayag nga ang mga espirito nga nagsulod sa mga biktima amo ang pamilya sang bata nga nakita nga nagbitay sa puno sang sambag.// Mahimo suno sa natungdan nga luyag lang sang mga espirito nga makuha ang hustisya sa kamatayon sang ila himata.
