ILOILO – Pagtanom sang ebidensya kag asud-asud nga pag-raid sa mga opisina ang ginakakulbaan sang mga cause oriented groups.
Sa interview sang Bombo Radyo kay Elmer Forro, secretary general sang Bayan Panay, iya ginpahayag nga wala sila sang ginakakulbaan bangud wala man sila sang may ginahimo nga malain.
Suno kay Forro, ang ginakakulbaan lamang nila amo ang sala nga ginahimo sang kapulisan sa mga grupo.
Pahayag niya, kun nagasunod lamang ang mga pulis sa husto nga proseso sa pagserbe sang search warrant, wala sila kuntani sang kakulbaan.
Dugang pa sang natungdan, luyag niya ipahibalo sa publiko nga ang pagtanom sang ebidensya ang indi na bag-o sa kadam-an bangud ini ang ginakabig nga ‘public knowledge’ ilabi na sa war on drugs sang Duterte administration.
