Ginaplano nga economic zone para sa Iloilo province, posible madayon na

ILOILO CITY – Posible madayon na ang pagpahamtang sang economic zone sa probinsya sang Iloilo.
Suno kay Iloilo Governor Arthur Defensor Sr. sa interview sang Bombo Radyo, madamo sang mga banwa ang may potensyal nga pahamtangan sang mga industriya kag himuon nga economic zone, ilabi na ang may malapad pa nga mga lugar nga mahimo i-develop.
Ginpahayag sang gobernador nga magakinahanglan sang minimum nga 50 hectares sang duta
ang isa ka economic zone sa probinsya.
Sa karon suno sa gobernador, 11 ka mga banwa ang ginapilian nga pahamtangan sang economic zone nga ginalauman magahatag sang dugang nga trabaho para sa mga pumuluyo sang Iloilo.