Ginatos ka mga tawo gindakop sang mga pulis sa Russia

Ginatos ka mga tawo ang gindakop sang mga pulis sa Russia kasunod sang hublag protesta nga ginpatigayon bilang pagmandu nga paguwaon na sa presohan ang Kremlin critic nga si Alexei Navalny.

Halin sa Vladivostoc sa Far East pakadto sa Saint Petersburg sa Baltic Sea, linibo ka mga pulis ang yara sa dalanon agud nga punggan ang madamo nga mga tawo nga naga-apin sa ginakabig “most prominent opponent” ni President Vladimir Putin.

Si Navalny ang gindakop sa Moscow airport sang Enero sang ini na ang nagbalik sa Russia halin sa Germany sa diin siya nag-recover nagikan sa pagpanghilo sa iya kag ang ginabasol niya nga may kahimuan sini amo ang gobyerno sang Russia.

Ginbutang sa Moscow detention center ang 44 anyos nga anti-corruption campaigner kag nagapangatubang sang sampaw-sampaw nga kaso kriminal sa pihak sang panawagan sang mga tawo nga paguwaon na ini sa presohan.