ILOILO CITY – Ginatos ka mga pasahero ang na-stranded sa palibot sang syudad kagab-i bangud sa pagbubo sang mabaskog nga ulan.
Pila sa mga dalanon sa syudad sang Iloilo ang ginbaha rason nga mabudlay para sa mga pasahero ang paglakat kag amo man ang pagsakay sa mga public utility jeepney.
May kaangtanan diri, nagpugok man ang dalagan sang trapiko sa pila ka intersections sa syudad sang Iloilo.
May pila naman ka mga pumuluyo gikan sa mga flood prone area ang gin-evacuate bangud sa baha.
