ILOILO CITY–Patay ang isa ka manugbulig sa inasalan matapos ang ginpatigayon nga buybust operation sa Brgy. San Juan, Molo, Iloilo City.
Ang subject sang buybust operation ang ginkilala kay Alex Rivera Blanca Sr, 52, kag pumuluyo sang nasambit nga lugar.
Si Blanca ang ginatudlo man nga downline sang detained drug personality nga si Mohan Mino.
Sa interview sang Bombo Radyo kay Police Senior Inspector Kenneth Bermejo, team leader sang Regional Drug Enforcement Unit (RDEU), iya ginapahayag nga armado ang durugista sa diin nakuha pa gid ang granada sa tupad sang bangkay.
Suno kay Bermejo, madugay na nila nga ginapanilagan ang durugista tubtub nabaklan ini sang isa ka sachet sang shabu sa balor nga masobra 15,000 pesos.
Sang matukiban ni Blanca nga mga pulis ang nagbakal sa iya, nagsulod siya sa iya balay kag nagkuha sang .38 caliber pistol kag granada.
Sang gintuyo na Blanca nga tiruhon ang mga pulis, diri na kag nalipitan nga magbato ang mga otoridad.