ILOILO- Wala na nagbato pa ang ginatudlo nga mastermind sa pagpatay kay anay Ajuy, Iloilo Vice Mayor Ramon Rojas.
Sa interview sang Bombo Radyo kay Police Major Jonathan Pinuela, pinuno sang Provincial Special Operations Group, iya ginpahayag nga matawhay nga nag-upod si Vicente ‘Itik’ Espinosa sang ila nga gindakop.
Gin-istorya pa nila suno kay Pinuela si Espinosa, ginkamusta, nagpakilala kag ginpahibalo kun ano ang ila tinutuyo.
Suno kay Pinuela, nagmuno sa ila si Espinosa nga dal-on sa hospital kag ila ginhambalan nga tapuson ang booking process kag kun ginapanugyan sang government physician nga dal-on sa hospital, ila ini nga pagasundon.
Sang gin check-up sang rural health physician si Espinosa, didto kag ginpanugyan sang doktor nga dal-on sa hospital ang arestado bangud sa high blood pressure.
Nakamuno man si Espinosasuno kay Pinuela nga sang nakaligad pa nila nga semana ginalauman ang pag-abot sang warrant of arrest.
Sa subong suno sa natungdan, yara sa hospital si Espinosa kag ginabantayan sang mga katapo sang Cabatuan PNP.
