Nagtaliwan na ang ginbansagan nga pinakaimol nga presidente sa kalibutan.
Ini amo si Jose “Pepe” Mujica nga anay presidente sang Uruguay.
Si Mujica ang isa ka ex-guerilla fighter nga ginadayaw sang mga rebelde bangud sa pagkamapainubuson kag progresibo nga pulitika.
Nahibaluan nga napreso sadto sa sulod sang masobra isa ka dekada ang 89-anyos nga lider bangud sa iya revolutionary activity.
Ang iya kamatayon ang resulta sang pagpakig-away niya batok sa cancer matapos gin-anunsyo niya sang Enero nga naglapta na ang balatian kag nag-untat na ini sa pagpabulong.
Nakuha ni Mujica ang bansag nga “world’s poorest president” sa tion sang 2010-2015 presidency niya bangud sa paghatag sang iya sweldo sa charity kag nag-enjoy sang simple nga kabuhi sa iya uma kaupod ang iya ex-guerilla nga asawa kag ido nga may tatlo lang ka tiil.
Gin-anunsyo naman sang gobyerno ang tatlo ka adlaw nga national mourning.
