Ginhalinan sang kalayo nga nangin resulta sang pagkasunog sang merkado sa Leon, Iloilo, indi pa matumod

Ginlamon sang kalayo ang merkado sang Leon, Iloilo kaina pasado 5:00 sang hapon.

Sa interview sang Bombo Radyo kay Sangguniang Bayan member Alma Capilastique, iya ginpahayag nga maswerte na lamang nga sirado ang merkado sang nagluntad ang sunog bangud kun wala, mahimo nga may mga iban pa nga insidente ang nagkalatabo magluwas sa sunog.

Suno kauy Capilastique, ginabanta masobra 50 ka mga manugbaligya ang naapektuhan sa diin kapin isa ka milyon ang halit nga tuga sang sunog.

Indi pa mapat-od sa subong sang natungdan kun sa diin naghalin ang sunog apang ang baligyaan sang tsinelas, RTW kag sa bahin sang vegetable section amo ang ginlamon sang kalayo.