ILOILO CITY- Ano ang sarang mo himuon sa imo anak nga salawayon kag wala nagapati sa imo?
Sa China, nakibot ang tanan sang naglupok ang isa ka balita tuhoy sa mag- asawa nga nangin makakilibot ang nangin pamaagi sa pagdisiplina sa ila anak.
Ini nga mag-asawa ang nagaistar sa Weihai City sa Shandong Province.
Sila ang may 13- anyos nga bata nga babaye nga tuman ka rebellious kag spoiled.
Bangud nga indi na nila ini masaway, gindesisyunan nila nga ipahaboy ang ila bata sa isa ka gamay nga isla agud didto siya manuto.
Apang gin- updan man sang mag-asawa ang ila bata sa amo nga isla nga ang ila dala tubig lang kag tinapay.
Apang, wala natuman ang ila plano nga mag- asawa matapos nga nakapangayo sang bulig ang bata sa mga manugpangisda nga nakalabay sa isla rason nga nakadtuan sila gilayon sang pulis.
Apisar nanindugan ang mag-asawa nga ini ang ila pamaagi agud tudluan sang leksyon ang ila bata,wala na nila ini mapadayon pa bangud nga ginpahalin gid sila sang pulis kag ginpabalik sa ila puluy-an.
Wala naman nangin maathag kon may panibag- o na naman sila nga plano para tudluan sang leksyon ang ila bata nga babaye.
