ILOILO CITY–Isa ka High Value Target (HVT) sang Molo Police Station ang napatay nga drug surrenderee sa Brgy. Calumpang, Molo, Iloilo City.
Sa interview sang Bombo Radyo kay Police Chief Inspector Marlon Valencia, hepe sang Molo Police Station, iya ginpahayag nga HVT level 1 ang biktima nga si Don Azucena.
Sunu kay Valencia, natukiban nga downline sang Odicta drug group si Azucena.
Santo sa monitoring sang Molo PNP, wala sila sang may namutikan nga nagabaligya ukon nagagamit sang illegal drugs si Azucena bangud nga masami man siya nga makita nga nagabantay sang tyangge.
Samtang, patal nga pilas ang naangkon ni Azucena.
Sa interview sang Bombo Radyo kay Police Superintendent Hilarion Roga, team leader sang Scene of the Crime Operatives (SOCO), iya ginpahayag nga nakaangkon sang pilas sa ulo, likod kag dughan ang biktima nga si Don Azucena.
Sunu kay Roga, nagatalikod ang biktima sang gintiro sang mga suspetsado.
Naglab-ot sa 11 ka basiyo sang .45 caliber pistol kag 9mm ang nakuha sa crime scene.
Ginapatihan naman nga masobra sa isa ang nagtiro sa biktima bangud sa kadamuon sang bala nga nakuha sa lugar.
Wala naman sang nakuha nga shabu ukon kontrabando gikan sa biktima.
